Epistola I ad Corinthos*
Caput 15: Versus 55
Ubi est, mors, victoria tua?Haec sunt verba prophetae, vel Apostoli laetantis et morti insultantis in persona resurgentium, ut certior sit resurrectio: quasi dicat: Vicisti in morientibus, victa es in resurgentibus. Victoria tua qua absorbueras corpora morientium, temporalis fuit: qua in corporibus resurgentium absorpta es; aeterna constabit.